في غيبتكـ احلم اشوفك واحاكيكـ,,

قصيده رائعه للشاعر المبدع
ثامر شبيب الدقباسي


سلامتك والله يحفظك ويبقيك
ويقبل دعاتك في صلاتك وصومك

يا جعلني ما ذوق حزنك ولا ابكيك
يا فرحة ايامي عسى الله يدومك

ليت التعب فيني حبيبي ولا فيك
وياليت يومي ينتهي قبل يومك

ودي اضم ايديك واقبل ايديك
وافرش لك اذراعي مخده لنومك

وان قمت من نومي وعيني تراعيك
سولف عن احلامك وعطني علومك

بستأذنك لحظه دقايق بخليك
باروح ابشر عالمي في قدومك

في غيبتك احلم اشوفك واحاكيك
سمتني الدنيا بعدك محرومك

ياما تخيلتك بدربي واناديك
واقول : وش فيها تردت عزومك

لك وقت متغير على قلب متغليك
ماكنه اللي شال عنك همومك

ابيع من عمري على الناس واشريك
لو باعتك دنياك ما ارخصت سومك

ماهو على شانك على شان ماضيك
مهما تسوي اعذرك ما الومك

هذا خيالي كل ما مر طاريك
ولا الحقيقه عايش ارجي غيومك

اضحك على نفسي اذا قلت ما ابيك
انت القمر والناس هذي نجومك

حببتني في كل حاجه حواليك
مانيب من قومك واحامي لقوومك

ما اقول غير الله يحفظك ويبقيك
وياجعل يومي ينتهي قبل يومك


تقبلوا تحياتي